Ik Raat Hui Barsaat Bohat

 

Ik Raat Hui Barsaat Bohat, Hum Roye Saari Raat Bohat, Har Gham Tha Zamane Ka Lekin, Hum Tanha The Us Raat Bohat, Phir Ankh Se Ek Sawaan Barsa, Jab Seher Hue Khayal Aya, Wo Baadal Kitna Tanha Tha, Jo Barsaa Saari Raat Bohat.

Mili Hayat Hi Aisi Ke Haya Bhi Ro Pari, Teri Talash Mein Zalim Saza Bhi Ro Pari, Tujhe Toot Ke Chaha Or Itna Chaha, Teri Wafa Ke Khatir Wafa Bhi Ro Pari, Mera Naseeb Meri Qismat Mera Muqadar Bani Tu, Tujhe Hi Mangte Mangte Dua Bhi Ro Pari, Kitab-E-Dil Mein Tera Baab Jab Band Kiya,Khatm Karte Karte Aye Wasi Kitaab Bhi Ro Pari.

Veeraan Hai Mehfil Meri Jab Se Tum Gaye Ho,
Bujh Gayi Hai Saari Roshni Jab Se Tum Gaye Ho,

Andheron Ke Saaye Mein Hai Abb Rooh Meri,
Roshni Ne Chhora Daaman Jab Se Tum Gaye Ho,

Dil Ki Duniya Khali Hai Tab Se, Jab Se Tum Gaye Ho,
Sab Aane Se Darte Hain Yahan, Jab Se Tum Gaye Ho,

Sheeshe Mein Dekhta Hun Chehra Apna To Ro Deta Hoon,
Kissi Ne Na Poonche Aansoon Jab Se Tum Gaye Ho,

Khamosh Ho Chuki Hai Zubaan Jab Se Tum Gaye Ho,
Meri Aankhon Mein Toote Hue Sapne Kuch De Gaye Ho,

Unhi Sapno Mein Ab Zindagi Ki Guzzar Karta Hoon,
Us Khawab Ko Toda Nahin Jab Se Tum Gaye Ho,

Door Jab Tum Mujh Se Ho To Yeh Khyal Aata Hai,
Kya Meri Tarah Tum Bhi Aahein Bhar Rahe Ho,

Phir Jab Aati Hain Mujhe Yeh Hichkiyaan,
Yeh Sochta Hoon Kahi Tum Mujhe Yaad Kar Rahe Ho,

Zinda Hoon Main Yahaan To Teri Hi Khatir,
Ke Maut Bhi Aati Nahin Hai Jab Se Tum Gaye Ho,

Akelapan Hi Hai Bas Sirf Abb Mere Saath,
Khushiyan To Tum Se Thhi, Tum Unko Le Gaye Ho.